Is dit moord?

So aantal jare gelede, nie te lank, woon ons op Delmas. Ek sou liewer sê nader aan Devon as Delmas. Ek werk toe by ‘n voerkraal met seker so 15000 bees. Ons bediende wat ons gehad het in Malelane se ma kontak ons en vra of ons nie vir haar werk het. Ons is te dankbaar, want die persoon is ‘n kleurling en ons ken haar ook al geruime tyd.

Net om iemand in die huis te hê wat nie onnosel verby is, en reg praat, is reeds vir ons ‘n baken. Ek reken ons kon met haar ordenklike afrikaans praat en nie ” eishhh’ elke keer hoor as die vrou afgaan. Ek was in die eerste plek nie gelukkig in Delmas nie, maar my paadjie het my soontoe gelei. (anderdag se storie hoe ek daar beland het!)

Van dag een besluit ek, dat ek wil terug Laeveld toe. Toe ek my oë uitveë is ek terug in die Laeveld en te dankbaar, en die bediende ook saam. Te dankbaar want nou is sy nader aan haar mense ook. Soos die tyd aanstap, hoor ons haar dogter wat vir ons gewerk het in Malelane in swanger, en ook nie regtig heen kome nie. Soos dit maar is, noem ons aan die bediende dat haar dogter ook daar by ons kan kom woon. Ons sal sien hoe ons kan help. Intussen het ons vir haar ook ‘n werk gekry en sy is elke dag pligs getrou by die werk. Die baba is gebore, en my vrou noem dat hulle maar kan aan bly.

Naby ons huis is ‘n afrikaanse dagsorg, waar kinders van alles rasse heen kan gaan. (waar nie) Ek betaal toe vir die baba se dagsorg en my vrou koop so met die tyd ook klere vir die kind.  Ons sorg letterlik vir die kind en die is al ‘n mooie 4 jaar oud.

Bietjie afdwaal van my storie …. my missie was altyd, Vrydae aande braai ekke. Jy saam braai, dan is dit goed so, as jy nie, wel jy verloor, want my kos is lekker. Die betrokke vrydagaand braai ek, en noem aan die bediende om vir my ‘n bier te loop haal. Terloops sy het ook ‘n hotelskool kurses voltooi. Kos, drankies … name it, sy doen. Maar die betrokke dag lees ek ook in onse plaaslike koerant Die Laevelder dat daar ‘n baba lykie gekry is op ‘n bou perseel nie vêr van ons. Toe ek die bier in ontvangs neem, noem ek so aan haar, “… jy weet mens kry darem slegte donners in die wereld ..…” en vertel haar die storie. Almal oeeee en aaaaaa …… maar ons/ek los dit daar.

So week of wat gaan verby, en ek en gesin is in ‘n Pet-shop op soek na kat! Hier lui die sel, bediende histeries, noem dat polisie haar dogter loop kom haal het, as verdagte van die pas gebore babalykie. My vrou is natuurlik dadelik de hel in, want niemand is swanger in onse jaart nie, hoe nou…… Los los dit vir eers en later die middag besluit sy om polisie stasie te besoek om te hoor wat gaan aan. Daar noem hulle dat die dogter wel herken het dat die baba lykie wel haar pas gebore kind s’n is, en dat sy skuld beken. Ons is stom geslaan, want hoe was/is dit moontlik dat niemand agtergekom het sy is swanger nie. (tot met skrywe weet ons steeds nie)

Die vrou erken dat sy die baba in die lewe ingebring het, maar te bang was om my vrou wakker te maak. Sy het die baba na die bou perseel geneem en daar gelaat, met die hoop iemand vind hom, ens ens  …. Maar iemand het hom gevind, maar die lykie, baba dood, weens verkluiming.

My vrou is natuur vreeslik opgewerk, maar ek stem saam haar ….. ek en die vrou het lank gebid dat die Here ons moet seën met ‘n kindjie. Ons gebede is verhoor. As sy iets moet lees en hoor oor kindermishandeling is dit nag. Dis hoekom sy geen koerant lees en geen nuus kyk.

Sy verbied die dogter met onmiddellike ingang toegang toe ons erf. In haar oë is dit moord wat gepleeg is. Marilee reken sy kon ons wakker geklop het en vra vir hulp, wat ons sou verleen het. Ons het haar bygestaan met die eerste een, hoekom nie met die tweede? Hoekom alles geheimhouding hou?

Die hofsake het gekom en gegaan en sy is uit met ‘n opgeskorte vonnis van 5jr. Dit het natuurlik veroorsaak dat daar ‘n onherstelbare sake gedoen is tussen ons bediende en Marilee se verhouding. Marilee kan nou nog nie oor die baba se dood kom nie. Hoewel nooit na die lyk gaan kyk het nie (ek het haar gekeer) voel sy dat die baba geen kans op lewe gehad.

Ons bediende is op die einde van die dag (einde Feb 2007) uit ons diens en na haar mense in die Kaap, waar sy oorspronklik vandaan gekom het. Dis was jammer dat alles so moes uitdraai, want sy het baie goed gewerk. Sy was goed vir ons. Ons kon naweke … vakansie sorgeloos weg gaan, net om alles 100% te vind met terugkeer.

Ek voel dit was moord ….

Eben is dom!!

Ek kry ‘n Skype boodskap van Charl en hy noem dat hy ‘n comment geplaas het. Na ek die meeste mense uit my kantoor het, gaan kyk ek hier maar geen boodskap. Ek weet Charl sal nie lieg nie, want hy herken hy support WP rugby. So tipe mens lieg nie!! Skaam kry, maar nie lieg!!

Toe loop vroetel ek bietjie rond … toemaar op die rekenaar … en onder comments sien ek die lot comments. Ek moet hulle eers approve ens ens …. ai ai nou sien ek eers julle kommetaar. Jammer ek was die slappie nie, maar net onnosel. So ek sal julle antwoord op comments spoedig.

Pas julle self op

Eben

Gister-Vandag-Môre

Graag dra ek dit aan iemand spesiaal op!!

GISTER het ek ‘n vreemdeling ontmoet.

Vandag is hierdie vreemdeling my vriend. 

Indien ek nie die tyd gebruik het om “dag” te sê nie, of terug geglimlag het, of blad geskud het, of geluister het nie, sou ek nie hierdie persoon leer ken het nie. 

GISTER het ek drukkies gegee aan iemand vir wie ek baie omgee.

Vandag is hulle weg…en MôRE sal hul nie terugbring nie.

Sou dit nie lekker wees as ons almal sou weet dat ons MôRE nog hier sal wees nie?

Maar dit kan nie gebeur nie, dus maak VANDAG tyd om iemand ‘n drukkie te gee, of om te glimlag en sê gerus ook: “Ek gee om.” NET VIR VANDAG, glimlag vir iemand wat jy nie ken nie; 

Luister regtig wanneer iemand met jou praat; 

Laat val ‘n muntstuk waar ‘n kind dit kan optel;  Leer iets nuuts by en dra hierdie kennis oor aan ander;

Vertel iemand dat jy aan hulle dink;

Gee ‘n geliefde ‘n drukkie;

Moenie ‘n wrok koester nie;

Moenie bang wees om te sê: “Ek is jammer” nie;

Kyk in ‘n kind se oë en vertel hulle hoe fantasties hulle is..Moenie daardie spinnekop in jou huis doodmaak nie, dit is dalk net verdwaal, wys dit dus hoe om te ontsnap;

Kyk verby iemand se gesig na sy hart;

Maak ‘n belofte en kom dit na;

Gaan kuier of bel iemand, bloot net om te sê: “Hallo!” Staan by jou beginsels;

Ruik die reën, voel die briesie in jou hare en luister na die wind in die bome se blare;  

Gee om vir diere en luister na die vrolike sang van die voëls;

Gebruik al jou sintuie tot hul volle potensiaal;

Waardeer en geniet VANDAG. 

VANDAG het ek aan jou gedink

Ek hou van….

Hier waar ek tik weet ek nie regtig wat moet ek skrywe of is dit nou gorrel. Persoonlik dink ek vrouens het ‘n beter vermoë om uit niks iets te skrywe. Vat nou maar vir Boendoe, Annie, Dellie, Koekie, Roer, Butterfae …. agggg sommer julle almal julle kan uit niks iets op dis en dit lees so lekker.

Waarvan hou ek(?) …. Daar is so baie om te noem as ek begin dink:

• Sons-ondergang. Is daar regtig iets mooier. Baie keer op ‘n Vrydag as ek terug ry SA toe, dan ‘vang’ ek die sons-ondergang en dan is ek alleen in my motor. Natuurlik wil ek dit met iemand deel, en ek deel dit graag met jou. Hierdie foto’s het ek geneem Vrydag 20 Julie 2007

  

• Diere: Ek is absoluut gek oor my diere. Ons het 2 Engelse Bulldogs, 4 Dobermind-Pintcher, 1 Kat, 4 Love birds en 6 Visse. Elk van my diere het ‘n storie. Dit maak hulle so spesiaal in my lewe. My gedagtes hardloop nou na daardie man wat sy hond se kop loop afsaag het. Dis om van mal te raak. Ek sal so iemand te lyf gaan, en dan sit ek met die gevolge. Dan daardie klein helsem wat die teef hond in ‘n gat/put van 15mt loop gooi het, met kleintjies en al. Die hond se rug is gebreek. Hoeveel pyn moes die arme dier nie gehad het, magteloos om haar kleintjies te versorg, net omdat sy honger was en die kind se kos geëet het. Dan praat mense ook soos die gesegte is “… daardie vrou het haar kinders soos ‘n hond weggegee!” Verkeerd(!!!) Dis ek en jy wat die kleintjies (diere) weggee. Het jy al gesien hoe soek so dier na haar kleintjies. Die onder verskyn my Engelse Bulldogs: Foto #1 = My teef en Foto #2 = My reun.

 

• Vriende: Ek weet daar sal van ons wees wat noem dat vriende net mooi weers vriende is, maar my vriende is spesiaal. Kom ek wees eerlik, ek het 3 mans vriende. Hulle weet wie hulle is. Ons het al die paadjie gestap van lief en leed. Maar hulle was altyd daar. Op ‘n latere staduim gaan ek jou wys wie is hulle, en meer vertel van hulle. Dis my voorreg en eer om hulle drie uit te wys as my ‘maatjies’! Die voorreg wat ek ook het, is dat hulle vrouens en my vrou ook beste maats is. Jy hoor nooit iemand van iemand sleg praat nie. Watter voorreg!!
• Kamp: Ek is absoluut mal daaroor. Net daardie stilte in die aand(e) om te weet dis net jy en jy alleen. Ja, ek kamp ook op plekke so Sodwana waar dinge soms lank neem om tot stilte te bedaar, maar dit bly steeds vir my lekker en ek geniet alles daarmee gepaard. En natuurlik glo ek ook, die gesegte, dis ‘n ander tipe mens wat kamp, dis my mense?
• Verrassing: Ek is mal daaroor om iemand te verras. Dan moet dit soos verras wees. Nie aangesitte blyskap of wat ookal nie. Finaal ‘n kind se stralende gesiggie, blydskap wat daaruit straal, maar weet jy wat, ek deel graag verrassings uit, maar wil nie ontvang. Miskien selfsugtig? Ek glo nie …. ek gee om vir hulle wat ek voor lief is, en wat na my hart lê!!

Vertel my bietjie waarvan hou jy?

Geskenk vir Juffrou

Ek het hierdie eendag gelees, en dit was so mooi. Dit handel oor ‘n briefie wat die leerling skrywe vir sy Juff na hy die jaar voltooi het in haar klas.

Dit het my ook opnuut laat besef hoe belangrik dit is om Jesus as basis in jong mense se lewens vas te lê:

Liewe Juffrou,

My mamma het my gehelp om hierdie geskenk op te maak en om die dankie-sê-briefie te skrywe.

Ek gee aan jou:

Handeroom, want jou hande het my die hele jaar vertroetel,

‘n Sepie, vir al die kere wat jy my gesiggie blink gewas het,

‘n Pilletjie, vir al die kere wat jy my eina’s beter gemaak het,

‘n Tissue, vir al die kere wat jy my getroos het,

 ’n Kit-kat, vir jou ruskansie,

Lip-ice, sadat jou lippies reg is om my te soen volgende jaar – want ek gaan jou baie verlang,

Ek sê ook ‘n gebedjie vir jou, want jy leer my so mooi van Jesus.

Dit was so treffend vir my gewees. Ek dink dat  elkeen van ons tog maar daardie spesiale onderwyser(es) in onse lewe het, wat net daardie iets anders gehad as die res.

En ja …. myne was ‘n Mnr Fanie Venter 1976 Hoërskool Brits …. wens ek kon nog net eenkeer sy hand druk, om dankie te sê dat hy altyd in my geglo het.

Ons gesels weer

Eben

Chuck Norris

Chuck Norris dra nie kondome nie want daar is niks wat jou teen Chuck kan beskerm nie.

Chuck Norris lees nie boeke nie. Hy gluur hulle aan totdat hulle hom die inligting gee wat hy soek.

As die Tokkelossie gaan slaap loer hy eers onder sy bed om te sien of Chuck Norris nie dalk daar wegkruip nie.

Daar is geen massavernietigingswapens in Irak nie, Chuck Norris bly in Oklahoma in Amerika.

Chuck Norris steek miere met ‘n vergrootglas aan die brand…. In die nag!

As Bruce Banner kwaad word, verander hy in die HULK. As die HULK sy moer strip verander hy in Chuck Norris.

Chuck Norris het sy maagdelikheid verloor voor sy pa.

Chuck Norris het onlangs begin om sy piepie as ‘n energiedrank te bemark, hulle noem dit “Red Bull” 

As Chuck Norris teen ‘n muur tennis oefen, wen hy!

Chuck Norris is nie gebore nie, hy het sy pad buitentoe uitgeveg.

Die Ewolusieleer is sommer ‘n pot stront, daar is net ‘n lys van wesens wat Chuck Norris toegelaat het om te bly leef.

Vader tyd staan vir niemand stil nie, buiten Chuck Norris.

Chuck Norris dra nie ‘n horlosie nie, hy besluit hoe laat dit nou is.

Chuck Norris speel Russiese Roulette met ‘n volgelaaide rewolwer en wen!

Batman en Darth Vader het eenkeer balkei. Die wenner was … Chuck Norris.

Chuck Norris was eenkeer in ‘n mesgeveg betrokke en toe verloor die mes.

Chuck Norris moes al lankal doodgegaan het maar die Engel van die Dood is te vrek bang vir hom.

Chuck Norris eet steenkool en skyt diamante.

As Chuck Norris se vrou hom mooi vra om die skottelgoed te was gooi hy dit in die asblik en sê vir haar sy lyk vet.

Hulle het onlangs uitgevind daar is geen lewe op Mars nie, Chuck Norris was reeds daar.

Chuck Norris se bloedgroep is GS+ (GatSkop positief)

As Chuck Norris ‘n Big Mac by Pizza Hut bestel kry hy een.

Switserland is nie regtig neutraal nie, hulle sukkel net om uit te werk aan wie se kant Chuck Norris nou eintlik is.

Chuck Norris laat nooit boodskappe nie, net waarskuwings.

Chuck Norris slaap nie hy wag net.

Die elfde gebod is: Moenie Chuck Norris de moer in maak nie.

Ongelukkig is dit onmoontlik om die gebod te gehoorsaam. Die pen is magtiger as die swaard. Dit wil sê as Chuck Norris die pen vashou.

Verrassing?

Ek sit Vrydag laat middag en wonder hoekom is ek alleen op ‘n Vrydagaand. Ek wens net my gesin was met my. Marilee en Steyn kom Saterdagoggend vroeg deur, waar ons saam rugby sal kyk en daarna bietjie rondloop in Maputo. Marilee wil graag ook besoek aflê by Maputo se nuwe Mr Price. Soos gewoonte is, skakel ek hulle altyd net voor ek my kantoor verlaat en sê vir beide nag en lekker slaap. Ek gesels met haar oor die foon en sy vertel my oor die honde tuis, en die volgende oomblik stap hulle my kantoor in.

Heeee Paaaaa skree ek, ek was so verras gewees. Ek is maar altyd die persoon wat jou sal verras, maar om self verras te word is ook lekker.

 

Bo is 2 foto’s … #1 = die resturant/bar waar ek woon en die mense in Matola graag kom rugby kyk. #2 = Is dinge aan die gang en almal geniet hulle self.

 

Hierdie is die stoep voor my kamer deur. Dit het so lekker uitkyk oor die swembad en tuin.

 

Dis die aangesig na my kamer toe.

   

Dis ‘n resturant Zambi waar ons Saterdagmiddag gaan eet het. Steyn is mos prawns ‘mal’ en hier het ek vir hom ‘n bord gekoop met 12 Tiger prawns in. Wat ek nie geweet het, is dat dit sy lus vir prawns aan gewakker het. Okay, dit lyk op die foto of ek en Marilee demoer is vir mekaar, maar is nie so. Ek het net ‘n sekonde gewonder wat maak Steyn met die kamara.

Dieselfde aand, kom ‘n baie dierbare vriende oor van Komatipoort, Dewet en Amelia Lombard om bietjie te kom grappies maak. Ons is die betrokke aand na ‘n Restuarant Waterfront toe, waar ek Steyn net daar vastrap. As ek vir hom vra “… wat wil jy graag eet, Steyn?”….. dan kom die beskeie antw “… aggg pappa, bestel maar vir my wat pappa dink is lekker!” Dan weet ek sommer hy is weer lus vir prawns.

Ek trap daarvas en bestel vir hom ‘n 1Kg prawns en sê mannetjie jy dit beter klaar eet. wel hy het. Ek is te skaam en natuurlik te beskei om te noem wat ek en Dewet geëet het, elk 2kg prawns. Liewe aarde was ons vrate!!! Marilee en Amelia het elke ‘n gestoomde vis-filet geëet, wat in foil geplaas word met kruie en feta kaas. Mmmm dit het regtig lekker gelyk

Lekker dag ons gesels môre weer

Eben

SA slaghuis in Matola?

Naby die gaste huis waar ek woon is die slaghuis. Onthou ek woon in Mozambique en kyk mooi na die foto. Sien julle wat ek sien … ja dis reg, die woorde is in Afrikaans. Dit vertel ons iets, mense koop nie sommer beesvleis in Mozambique nie. Die rede is dat ons nie weet of die ‘proses’ tydens slagting  skoon was nie. Wel dis my redenasie. ek sal hier vis eet, want dan weet ek die vis is vars.

Hier sit ook ‘n storie agter die plekkie. ‘n Baie goeie vriend van my het die plekkie geopen, en na ‘n paar weke, breek bek-en-klou uit in SA en daar kan geen vleis oor die grens geneem word nie. Nou waar kry hy sy vleis vandaan … geen plek nie, want hier is nie ‘n slagpale. Op die einde van die dag, verloor hy alles en hy kon sy masjiene/toerusting nie die land uitneem nie, en in tussen loop sy huur op en die eienaar lê beslag op alles, sodoende verloor hy toe al sy toerusting.

Môre wys ek julle bietjie waar woon ek in Mozambique, en wat alles gedoen die naweek saam Marilee en Steyn

Groete

Eben

My seun Steyn

Steyn is gebore op 21 Oktober 1994, en toevallig op sy ouma-grootjie se verjaarsdag ook.

Daar is seker duisende van ons wat met trots en liefde kan vertel van hulle kinders, maar my seun is Steyn. Ek het die klein hellie oneindig lief. Ek het eenmaal op Steve se blog ook geskrywe, wanneer begin hy met sy nonses as ek so na almal luister en lees.

As ek naweke by die huis kom, is daar nie te kies tussen hom en die honde wie is die blyste om my te sien.  Gie gie … hy byt hulle sommer weg van my, hy reken dis al taal wat hulle verstaan.

Dis so dat ons grootste wens was dat hy ‘n sussie of boetie moes gehad het, maar Marilee het tydens haar swangerskap hoë bloeddruk ontwikkel, en is tans op kroniese medikasie, en advies via Dr’s is dat ons nie weer kinders kan hê. Ons berus ons daarby, as die wil van onse Here. 

Steyn is maar ‘n alleen seun. Okay, hy het baie vriende en die maats is ook baie en paal by hom. Daar kom tye dat hy net nie maats wil hê vir die dag nie. Daar verskil ek baie van hom, ek wil elke oomblik vriende om my hê. Hy is glad nie ‘n agresiewe persoon nie, en sal altyd ‘n probleem ontlont, as wat hy die vuurhoudjie sal aansteek.

Maniere … wel Marilee sê soms sy wonder waar is die maniere, maar ek weet dis maar elke ma se vraag. Tog weet ons ook dat baie vriende kennisse al kom sê geluk met jou kind se maniere, en hy is so jong, maar as ons iewers kom, sal hy direk na jou loop en homself voorstel, met oog kontak. Daarvoor is ek sommer trots op hom.

Ek gaan probeer ‘n foto plaas van hom …. Steyn as jy hier lees eendag, onthou net, ek is oneindig lief vir jou en jy is my enigste Boesman!!

Lekker dag

Eben

My vrou Marilee

Ek is met ‘n Kaapenaar getroud. Marilee!! Waar in die Kaap hoor ek iemand vra! Mosselbaai. Groot geword tussen PE en Mosselbaai en haar pa word verplaas Brits toe.

Ek het haar ontmoet in haar matriek jaar 1986, soe is dit solank gelede? Daardie jaar(e) werk ek nog vir Dikhilolo buite Brits. Ek kom die middag vanaf Pta waar die hoofkantoor was, en sien die meisie sit op die muur met ‘n klein wit wol hondjie. Terloops, daar was ‘n muur tussen die twee meenthuis komplekse.

Ek vra toe so ewe “… wat is jou Flaffie se naam meisie?”… en sal sy nie afhaak en sê “.. Flaffie oom” My bliksem, dink ek so, ek is nie oom. Die girl noem my oom en ek is maar 26jr oud. Soe!! Ons lag nou nog daaroor.

Ek en Marilee is 11 Mei 1991 getroud. Die dag voor moedersdag daardie jaar. Snaaks ek dink ook nou daaraan, elke keer as ek huwelik-herdenking vier, is die daar opvolgende Sondag moedersdag.

Die liewe Here het dit goed gedink om ons toe te vertrou met ‘n kindjie. Ons was op die rand om navrae te doen oor aanneming, so moedeloos was ons. Kort-kort sal ek hoor die moontlikheid is daar dat Marilee swanger mag wees, en om net na ‘n week of so te hoor nee toe nie.

Was daar opgewondigheid in die huis toe ons die blye nuus kry. Ek het haar soos goud opgepas en toe begin daar probleme kom, sy ontwikkel hoë bloeddruk en is in die hospitaal opgeneem. Sy wil nog die betrokke Vrydagaand huis toe kom en Maandag weer terug keer, maar daardie middag 13h00 se kant kry ek ‘n telefoon oproep dat daar ‘n nood keiser op haar uitgevoer gaan word om 17h00.

Ek is inderhaas hospitaal toe om 17h15 (presies) 21 Oktober 1994 word  Steyn gebore. Logies kon ek nie bystaan nie, want dis nood en sê nou ek hel ook neer?? Na sy gebore bring die suster hom vir my wat rond trippel in die gang. Onnodig om te sê die trane het oor my wange gevloei, want daardie sekonde het ek my eie pa in hom gesien.

Met skrywe is hy 12 jaar oud en nie vir een sekonde is hy uit my gedagtes. Hierdie spasie is te klein om te skrywe hoeveel vreugde en plesier hy in ons lewe bring.

Dankie daarvoor Steyn, dat jy altyd net liefde en deernis in my en mamma se lewe bring. Ons is so trots, om jou uit te wys as ons kind.

Lekker dag

Eben