Miskien klink ek plat-voets … miskien kommen dat ek nie regtig op hoogte is wat gebeur om my.
Gister aan sit ek en luister na die nuus, en die hooftrekke gaan oor die geweld in onse land, amper soos in die ou bedeling, die slim mense noem dit Xenofobiese geweld, ek het dit as Onluste geken.
Mens se gedagtes is letterlik gesplit, is dit reg om die buitelanders uit te jaag? Wat gebeur as dit net omgedraai word, en ons mense in die buite land, soos bv Mozambique, Botswana, Tanzania om ‘n paar te noem word so terug gejaag. Daar word genoem dat hulle ons mense se werk neem, maar aan die anderkant is dit so dat daar van ons mense is wat net wil he! Hulle wil nie werk nie, nou wat nou!
Vanoggend lees ek in die Beeld, dat daar gewag word vir Mbeki, om die ja-woord te gee dat die weermag inspring. Ek dink dadelik, watter weermag (?), en is daar voertuie wat nog loop, en as daar is, is die batterye nie al gesteel nie. Nou weer is Mbeki oppad Tanzania toe, terwyl sy land in ligte laaie is. Die man is dood eenvoudig nie daar vir sy mense en land.
Dis ook geen wonder dat Phosa, as hy reg aangehaal is in die pers, noem dat daar ‘n vroeer verkiesing moet kom. Maggies, Mbeki is meer in ander lande as in sy eie. Hy los geen probleme op nie, is oral ‘bemiddellaar’ … van wat?? Wat doen hy wat goed is as bemiddellaar, wat het gebeur in Zim?
Ai, al die dinge maak mens so negatief ……
Bygedra deur Eben 
